Bloq

Güclü Reputasiyanın Qurulmasında Pozisiyalaşmanın Rolu

Ümumi mənada pozisiyalaşma hədəf auditoriyanızın sizi necə görməsi, eşitməsi və tanımasıdır. Bura, həmçinin, sizi rəqiblərinizdən fərqləndirən xüsusiyyətləriniz də daxildir. Başqa sözlə desək, pozisiyalaşma hədəf auditoriyanızın düşüncə və təsvirlərində tutduğunuz yerdir. 

Ümumiyyətlə, ilk növbədə şəxsi reputasiyanızı bir marka olaraq qəbul etmək lazımdır və  bu markanın qurulması prosesində yəni yolun başlanğıcında pozisiyalaşmanı nə qədər düzgün təyin etsəniz, şəxsi markanız da bir o qədər aydın olacaq. 

Pozisiyalaşma düzgün təyin edilərsə, auditoriyanıza təklif etdiyiniz faydalar və dəyərlər də markanızın profilinə uyğun gələcək və bu uyğunluq şəxsi reputasiyanızı daha güclü və daha tez formalaşdıracaq. Yəni məqsədlərinizə çatmaq üçün ötürəcəyiniz mesajlar  hədəf auditoriyanız tərəfindən müsbət qəbul olunacaq. 

Pozisiyalaşmanın təyin olunması üçün bir çox vasitələr var. Bu yazıda öz pozisiyanızı qurarkan nəzərə almalı olduğunuz tərəfdaşlar haqqında danışacağıq.

Bir neçə il əvvəl pozisiyalaşma adətən 2 ölçülü idi, bunlardan biri siz özünüz, digəri isə hədəf auditoriyanız, yəni məqsədlərinizə çatmaq üçün qərar qəbul edənlər və ya müştəriləriniz, xəstələriniz və s idi. Onlara təklif etdiyiniz dəyərlər sizin rəqabət üstünlüyünüzü təşkil edirdi və pozisiyanız da yalnız onlara əsaslanırdı. 

Bu mövzuda artıq danışmışıq və əhəmiyyətini düşünsək, böyük ehtimal, hələ çox danışacağıq. Ona görə birbaşa 2-ci növ tərəfdaşlara keçə bilərik. 

İndi pozisiyalaşma 2-dən çox ölçüyə sahibdir. Artıq bir markanın pozisiyasını təkcə təklif edilən rasional dəyərlərə əsasən qurmaq mümkün deyil. Emosional dəyərlərə ehtiyacınız var. İnsanlar sizin emosional fəaliyyətinizi də izləyir. Bu fəaliyyət sosial məsələlər, ətraf mühitin qorunması, idman, incəsənət və ya bu kimi digər biznes dünyasından kənar işlərlə bağlı ola bilər. 

Bu emosional dəyərlər sizin üçün 2-ci növ tərəfdaşları formalaşdırır. Onlar hətta insan olmaya da bilərlər. Məsələn, ekologiyaya fokuslanmısınızsa, sizin mümkün 2-ci tərəfdaşınız təbiətdir. Bu zaman, necə atdığınız hər addımda müştərilərinizi nəzərə alırsınızsa, təbiəti də hər zaman işə qatmalı olacaqsınız. Başqa sözlə desək, 3 ölçülü bir fəzada yerinizi (pozisiyanızı) həmin 3 ölçünün hər biri üçün təklif etdiyiniz dəyərlər birlikdə təyin edir. 

İnsanların sizin emosional dəyərlərinizə də ehtiyacını müasir dövrümüzdə texnoloji  inkişaf, aşkarlıq və sosial şəbəkələr yaradır. Gənc nəsil (<25yaş) bir şirkət rəhbərini onun savadlı, təcrübəli və uğurlu iş adamı olduğuna görə yox həm də, şən, gülərüz, sağlam həyatı sevən və digər oxşar emosinal dəyərlərinə görə izləyir.  Təklif etdiyiniz bütün dəyərlər markanızın pozisiyasına uyğun gəlməlir. Ən vacib olan isə həm rasional, həm də emosianal dəyərlərin auditoriyaya balanslı şəkildə və düzgün təyin edilmiş nisbətlə ötürülməsidir. Proses qəliz görünürsə, bunu peşəkarlara etibar edə bilərsiniz J 

© INPRESS PR Solutions